Ka long ka jingjia ba sngewsih ha kaba iwei i heprit iba dang 7 snem karta I la shah leh be-ijot ha u wei u rangbah briew u bala tip kyrteng kum u Benedik Jana u bala don shaki 40 snem tam ka rta ha kawei naki shnong kiba don ha West Khasi Hills District bad ia kane ka kam sniew jong utei u briew la lap nyngkong da i kmie jong itei i khynnah ha ka 27tarik Nailar 2021. Hadien ba i kmie i Ia don ka jing i artatien ïala i jong I khun ha jinglong jingman kum ka khynnah bad kumta i la kylli tohkit bad pyrthew bha ïala i khun kaei kaba la jia ïa i,hapdeng ka jing ïai kylli ban lap ïaka jingshisha naka liang jong itei i heprit i la phla hala i kmie ïaka kam sang kaba u tei u riew bymman bad u briew bym don shuh ka mynsiem briew u la leh ïa katei ka kam pohjait pyrshah ïa itei i heprit i ba dang tip tang ïaka thngan bad ban ïalehkai para khynnah. Naka liang jong itei i heprit i la iathuh hala ka jong ka kmie ba une u riew bym don shuh ïaka mynsiem ïatip lem u la ju leh bunsien ïa katei ka kam pap bad i la ïathuh ruh ba u ju byrngem byrsit bad ju shoh ju dat ruh ïa i ba im dei ban ïathuh briew halor katei ka kam ba u la leh pyrshah ïa i.

      Na ka liang jong ka Seng KSU West Khasi Hills District Unit ka pynrem jur ïa utei u nongleh kam bymman u bym don shuh ka mynsiem para briew ha kaba u la leh ïa katei ka kam pap kam sang kaba long pyrshah ïaka jingsngew jong u Briew U Blei ruh. Kumta naka liang jong ka Seng ka kyntu jur bad dawa ruh ïaki bor jong ka Aiñ bad kumjuh ki bor ba halor ba kin shimkhia halor katei ka kam bad ban bishar ïa utei u briew katkum ka Aiñ ba shonghok shongdei ban pynngat pyrshah ïa u ,shuh shuh naka liang jong ka Seng ka pynpaw ruh ba kan ai ïaka jing ïatreilang bad ki bor shnong bor thaw haka ban rat diengkhong ïa kum kine ki jait kam kiba ktah matïong ïaka imlang sahlang jong ka Ri bad ka Jaidbynriew Hynñiewtrep hi baroh kawei.