Ka Khasi students' Union Umsning Circle ha ka 31 tarik u Jymmang 2025 ka la ioh pynskhem sah ar tylli ki unit kiba la tip Kum ka KSU Kyrdemkulai (6 km) Unit bad ka KSU Kyrdemkulai Zero Point Area Unit.

Ha kane ka sngi pynskhem ia ki nongkitkam  ki ar tylli ki unit la iadon ryngkat naduh u samla Biangbor L Paliar Vice President KSU CEC, samla Melajied Khongbuh Asst Information & Publicity secretary KSU CEC, Samla Banjop Maring Asst General Secretary NKHD Unit, Samla Iarapbor Nongbri Asst Education KSU NKHD Unit, samla Baiashanlang Kharshanlor Organising KSU NKHD Unit, samla Lester Nongbet president KSU Umsning Circle lem bad kiwei kiwei ki dkhot Jong ka KSU NKHD Unit bad KSU Umsning Circle.

U Samla Banjop Maring Asst General Secretary KSU NKHD Unit haba ai jingkren ha kane ka sngi u la pynkynmaw ia ka jingiaid lynti Jong ka KSU naduh por ba dang seng ia ka bad u la ong ba dei ka KSU ka iakhun pyrshah ia ki mynder kiba wan ban rung laitlan ha ka ri khasi bad ha ka jingialeh bun ngut ki dkhot Jong ka KSU ki la shah siat ha u kuli bad bun ngut ki la shah set byndi bad u la ong ruh ia ki dkhot ba ka dei ka pop ia ngi lada ngim iada ia ka Ri bad ka jaidbynriew ,ki mynder ki la sdang ban thombor ia ka Ri Jong ngi bad Kum ki dkhot Jong ka KSU ngi dei ban iakhun ban pynher krad ia ki mynder Ri ki ban wan ban rung laitlan ha ka jylla Jong ngi.

U Samla Melajied Khongbuh Asst Information & publicity KSU CEC haba ai jingkren ha kane ka sngi pynskem ia ki nongkitkam bathynmai u la ong ba ki samla ki wan ban rung dkhot sha ka KSU ki rung da ka mon ba laitluid Jong uwei pa uwei u dkhot ym ba shu shah pynbor hano re hano  bad u la pyntip ruh wat ki jylla Kum ka Madhya Pradesh ka la pynher krad da ki hajar ngut  ki poiwir kiba wan buhai shnong ha katei ka jylla katno khamtam ka ap ia ka jingma ia ka Ri khasi kaba dei ka jaidbynriew rit paid ha kaba bun ki jaka Jong ka Ri khasi ki mynder ki la ioh ban rung laitlan bad u la pyntip ruh kum ka seng ngi dei ban peitngor ban lait ka jingwan kynthep ki mynder Ri.

U Samla Biangbor L Paliar Vice President KSU CEC uba long Kum u kongsan ha kane ka sngi haba ai jingkren u la sneng bad kyntu ia ki dkhot Jong ka KSU ba barabor ki dei ban long ki samla ban pyni nuksa kaba bha ha ki shnong ki thaw bad ha ka imlang sahlang bad ban iatrei lang ha shnong hathaw ban wanrah ia ka jingiatylli bad u la long ba kum ka seng kaba ju pyrshah ia ka lynti rel naduh ki snem ba la dep  bad haduh mynta kan nang iai pyrshah katba ym pt biang ki ain ban iada ia ka Ri bad ka jaidbynriew bad u la ong ba lada ki sorkar ka mut ban shna da ka bor na ka liang ka seng kan mih sha madan ban pyrshah ia ka lynti rel.

Ha kane ka sngi la pynskhem ia i Silvester Sawkmei Kum President Kyrdemkulai Zero point Area unit bad ia i Walclanstar Lyngdoh 

Kum i President Kyrdemkulai 6km Unit.