Ka Khasi Students' Union (KSU) San Shnong Unit haka 15 tarik Nohprah 2022 ka la ioh ban pynkup burom ia 27ngut ki khun samla jong ki san tylli ki shnong ba kynthup.

Lumshyrmit, Cham Cham, Mutong, Mukhaialong bad Pynthorsale kiba pass bha ha ka eksamin bapher bapher kum ka SSLC, HSSLC bad BACHELOR DEGREE. 

Ia kane ka programme la pyniaid da u President jong ka KSU SAN SHNONG UNIT u Samla Delmon Phawa ha kane ka prokram la bynrap u samla da kaba ong ba ka KSU kam don ka spah ka phew ban ai ia phi ki khun samla hynrei ka KSU ka lah ban ai tang da ka spah mynsien ban kyntiew ia phi ha ka pule puthi kaba mut ia ka momento bad ka certificate. 

La ioh ruh ia ka kyntien pdiang burom na u samla rangbah Pynkhreh Phawa u ba dei u General Secretary jong ka KSU San Shnong Unit ha kane ka programme u la ong ba ka KSU ka dei kawei ka seng bhalang kaba leh nyngkong ia kane ka jingpynkup burom hapoh kane ka thain. 

La ioh shuh shuh ka jing kren na u samla rangbah Marchy Dkhar u ba dei ruh u Rangbah Shnong jong ka shnong Mutong

bad haka juh ka por u dei ruh u Finance secretary jong ka KSU SAN SHNONG UNIT ha kane ka programme u la buh ka jing kyntu kynpham ia ki khun samla ba kin iai minot thop khnang ban ioh kheit iow soh ka jingjop. 

La ioh shuh shuh ka jingkren na u samla Rangbah  Shaniahskem  Dkhar u ba dei ruh u Finance secretary jong ka KSU EJHDU

ha kane ka prokram u la ong ruh ba ka KSU ka dei ka wei ka sharak kaba tbeh lynti ha ka jingim jong u naduh ba u rung

kum u dkhot jong ka seng la ha ka burom ka akor ne ka tip briew tip Blei. U da kyntiew ruh ia ki khun samla ba kim dei ban

jaituh ha ka pule puthi ki dei ban minot thop khnang ban ioh siew kylliang ia ki kmie ki kpa da kaba pass bha na  ki por sha ki por haduh ban da ioh kheit ia u soh ba thiang bad la ioh shuh shuh ka jingkren ha kane ka por na u Kongsan u Samla Rangbah Cherity Suja u ba dei ruh u Assistant Finance Secretary jong ka KSU-EJHDU ha kaba u la ong ba ka ksu ka dei ka wei ka seng kaba don ki mat trei kam kumba lai tylli(Tylli,kyntiew,ka roi ka par)kawei ka mut ba ngi dei ban ia tylli kum ki paradoh parasnam ha poh ka bri u hynñiewtrep jong ngi, ba ar ka mut ba ngi dei ban ia kyntiew iwei ia iwei ha ka ioh ka kot, lane ha ka khaïi pateng ha ka imlang sahlang jong ngi bad ba lai ka mut ba na ka jing don jong ka unit ha ki jaka bapher bapher ka roi ka par ruh kan nang kiew ha poh ka bri u hynñiew trep hynñiew skum jong ngi. Shuh shuh u la bynrap ruh ba ki khun samla kim dei ban pynmlien ia kine ki jingdih pynbuaid khnang ba phin lah ban pyndep hok jar la ki kam ki jong phi ha ka pule puthi. 

Bad kaba khatduh la ioh ia ka kyntien ai khublei na u  samla Rangbah Jerimaya Dkhar uba dei u Sports secretary ka KSU San Shnong Unit.