Ka Khasi Students' Union Mission Compound Unit kaba dei kawei na ki jylli treikam jong ka KSU Mawkhar Circle myn ha ka 01/11/2022 ka lah ioh pat ban pynthymmai iaki nongkitkam jongka na ka bynta ka samoi treikam 2022-2025.

La pyniaid iaka jingialang da u samla Samuel Kharshandi Secretary KSU Mawkhar Circle, lah ioh jingkren maitphang na u samla Fredrick Myrthong President KSU Mawkhar Circle, lah ioh ruh ka jingkren kyrkhu kyrdoh na I Bah Don War Secretary Shnong Dorbar Shnong Mission Compound, la ioh jingkren lyngkot na I samla James.H.Mawphniaw Assistant General Secretary KSU Central Executive Council, lah ioh ruh ka jingkren jinghikai na I samla Ostarnic Marbaniang Organizing Secretary KSU Central Executive Council. La ioh ba pyntian smai iaki nongkitkam bathymmai jong ka KSU Mission Compound Unit da I samla Lambokstarwell Marngar President, Khasi Students' Union Central Executive Council, lah ioh ruh ka jingkren na I President ka Misssion Compound Unit samla Gerald Ford Langstieh. Lah aiti ia ka constitution jong ka seng sha ka Mission Compound Unit da I samla Badon Kupar Nongbri Assistant Organizing Secretary KSU Central Executive Council.

Lah ia synrang lang ha katei ka sngi da jingiadonlang ki nongkitkam shnong ka Dorbar shnong Mission Compound,Seng Samla Shnong, lah pynshngaiñ lang da ki nongkitkam barim ka seng bad ki nongshong shnong,lah ia donlang ruh bad ki nongkitkam jong ka KSU Mawkhar Circle ryngkat bad ki jylli treikam jongka, lah ia pynshngaiñ lang ruh da ki dkhot na ki Circle bapher bapher na sor Shillong.